నీటి కోసం ఖాళీ బిందెలతో నిరసన..

దిశ, నిజాంపేట : గత కొన్ని రోజుల నుండి కాలనీలో త్రాగు నీరు లేక కాలనీ వాసులు ఖాళీ బిందెలతో నిరసన తెలిపారు. ఈ మేరకు నిజాంపేట్ మండలం నస్కల్ గ్రామంలో బుధవారం మైసమ్మ గల్లి కాలని వాసులు ఖాళీ బిందెలతో రోడ్డుపై నిలబడి నిరసన తెలిపారు. ఈ సందర్భంగా కాలనీ వాసులు మాట్లాడారు...గత కొంత కాలంగా కాలనిలో నీరు లేక ఇబ్బందులు ఎందురుకుంటున్నమన్నారు. నీటి కోసం వేరొక కాలనీకి వెళ్లి బిందెలతో నీరు తెచ్చుకునే పరిస్థితి నెలకొందని ఆవేదన వ్యక్తం చేశారు. ఈ విషయం పై సంబంధిత అధికారులు వెంటనే స్పందించి కాలనీలో నీటి ఎద్దడిని తీర్చాలని వేడుకుంటున్నామన్నారు. ఈ కార్యక్రమంలో నర్సింలు, దేవరాజు, పద్మా, బాలరాజు, రాజు లు ఉన్నారు.