భారీ ఎత్తున గంజాయి నిల్వలు.. స్వాధీనం చేసుకున్న పోలీసులు..

దిశ, తూప్రాన్ : గంజాయిని విక్రయిస్తూ పట్టుబడిన వ్యక్తిని, గంజాయి నిల్వ ఉంచిన మరో వ్యక్తిని పట్టుకుని అరెస్టు చేసి ఇద్దరిని రిమాండ్ కు తరలించినట్లు ఎస్పీ ఉదయ్ కుమార్ రెడ్డి తెలిపారు. ఎస్పీ తెలిపిన వివరాల ప్రకారం బుధవారం ఉదయం జీడిపల్లి చౌరస్తా అండర్ బ్రిడ్జి వద్ద ఓ వ్యక్తి గంజాయి విక్రయిస్తున్నాడని సమాచారం. దీంతో మనోహరబాద్ ఎస్సై సుభాష్ గౌడ్ సిబ్బందితో కలిసి వెల్లగా పోలీసులను చూసి నిందితుడు చేతిలో ఉన్న గంజాయిని పొదల్లో పడేసి పారిపోయేందుకు ప్రయత్నిస్తుండగా పోలీసులు నిందితుడిని పట్టుకుని విచారించారు.

ఈ విచారణలో పడేసిన సంచిని తనిఖీ చేయగా 1 కిలో గంజాయి ఉండడంతో నిందితుడు రంజన్ కుమార్ ను విచారించగా ముప్పిరెడ్డిపల్లి శివారులోని తన స్నేహితుడు శ్రీధర్ సాహు వద్దకు తీసుకెళ్లారు. దీంతో శ్రీధర్ సాహు ని పట్టుకుని విచారంచగా రూమ్ లో దాచిన 10 కిలోల 300 గ్రాములు గంజాయి రెండు సెల్ ఫోన్లు స్వాధీనం చేసుకుని ఇద్దరి నిందితులను అరెస్టు చేశారు. వారి నుండి 2సెల్ ఫోన్ లు స్వాధీనం చేసుకుని నిందితులను రిమాండ్ కి తరలించినట్లు ఎస్పీ తెలిపారు. గంజాయి కేసును చేదించిన సీఐ రంగా కృష్ణ, ఎస్ఐ సుభాష్ గౌడ్ కానిస్టేబుల్ లను ఎస్పీ అభినందించారు.