సొంత డబ్బులతో ఎల్లమ్మ తల్లి ఆలయానికి MLA రఘునందన్ రావు అభివృద్ధి

దిశ, మిరుదొడ్డి: సిద్ధిపేట జిల్లా మిరుదొడ్డి మండలం లింగుపల్లి - మల్లుపల్లి మార్గ మధ్యలో ఓ చెట్టు కింద రేణుక ఎల్లమ్మ తల్లి వెలసింది. రేణుక ఎల్లమ్మ మహిమ గలదని నమ్మకంతో నిత్యం ఎంతోమంది దూర ప్రాంతాల నుంచి ఇక్కడికి వచ్చి బోనాలు సమర్పించి మొక్కు తీర్చుకుంటుంటారు. అయితే ఆలయ ప్రాంగణంలో ఎలాంటి సౌకర్యాలు లేకపోవడంతో మల్లుపల్లి గ్రామ ప్రజలు స్థానిక ఎమ్మెల్యే రఘునందన్ రావును ఆశ్రయించి పరిస్థితిని వివరించారు. దీంతో స్పందించిన ఎమ్మెల్యే ఆలయ అభివృద్ధికి హామీ ఇచ్చారు. ఈ క్రమంలోనే ఆయన తన సొంత నిధులతో ఎల్లమ్మ తల్లి ఆలయ అభివృద్ధికి పూనుకున్నారు. అందులో భాగంగా దేవాలయంతో పాటు దేవాలయ ప్రాంగణంలో భక్తుల కోసం 5 గదులతో పాటు కార్యాలయం నిర్మిస్తున్నారు. తాజాగా ఆ పనుల పురోగతిని పరిశీలించడానకి శనివారం ఎమ్మెల్యే రఘునందన్ రావు అక్కడికి వచ్చారు. పనులను త్వరితగతిన పూర్తి చేయాలని సూచించారు. ఎమ్మెల్యే వెంట బీజేపీ మండల పార్టీ అధ్యక్షుడు ఎలుముల దేవరాజు, నాయకులు మల్లన్న గారి భిక్షపతి తదితరులు ఉన్నారు.

పలు అభివృద్ధి పనులకు ఎమ్మెల్యే రఘునందన్ రావు భూమి పూజ