వాసవి కన్యకా పరమేశ్వరి దేవాలయంలో కృత్తికా నక్షత్ర వేడుకలు..

దిశ, సంగారెడ్డి మున్సిపాలిటీ : సంగారెడ్డి పట్టణ శివారులోని శ్రీ వాసవి కన్యకా పరమేశ్వరి దేవాలయంలో కృత్తికా నక్షత్ర వేడుకలు మంగళవారం ఘనంగా నిర్వహించారు. ఉదయం అమ్మవారికి పంచామృతాలతో ప్రత్యేక అభిషేక కార్యక్రమాలను జరిపించారు. దేవాలయ కమిటీ అధ్యక్షుడు తోపాజి అనంతకృష్ణ ఆధ్వర్యంలో పూజా కార్యక్రమాలను నిర్వహించారు. మహిళలు సామూహిక కుంకుమార్చనతో పాటు లలిత సహస్ర పారాయణం, వాసవి మాత చరిత్ర పారాయణం చేశారు. అనంతరం అమ్మవారి పల్లకి సేవా కార్యక్రమాన్ని నిర్వహించారు.

ఈ కార్యక్రమంలో ఆర్యవైశ్య మహాసభ జిల్లా ప్రధాన కార్యదర్శి చీకోటి దయాకర్, దేవాలయ కమిటీ ప్రధాన కార్యదర్శి ఇల్లింతల రాజు, కోశాధికారి జులకంటి మల్లేశం, ఉపాధ్యక్షుడు మ్యాడం రాధా కిషన్, కార్యనిర్వాహక కార్యదర్శి కొంపల్లి విద్యా సాగర్, ఆర్యవైశ్య సంఘం పట్టణ అధ్యక్షుడు పాంపాటి కృష్ణమూర్తి, కోశాధికారి కొల్లూరి ప్రకాష్, సభ్యులు జూలకంటి బుచ్చిలింగం, కామేటి భాస్కర్, మ్యాడం కళ్యాణ్, పుట్నాల లక్ష్మణ్ తదితరులు పాల్గొన్నారు.