అక్రమంగా నిల్వ చేసిన ఎండు గంజాయి స్వాధీనం…ఇద్దరి అరెస్ట్

దిశ, చేగుంట : లారీలో అక్రమంగా నిల్వ ఉంచిన ఎండు గంజాయిని స్వాధీనం చేసుకొని కేసు నమోదు చేసినట్లు ఎక్సైజ్ టాస్క్ ఫోర్స్ సిఐ నరేందర్ గౌడ్ తెలిపారు. చేగుంట మండల కేంద్రంలోని ఒక ప్రైవేటు ట్రాన్స్పోర్ట్ లారీ వడియారం గ్రామ శివారులోని పెట్రోల్ పంపు వద్ద పెట్టి, 725 గ్రాముల ఎండు గంజాయిని తరలిస్తుండగా నమ్మదగిన సమాచారం మేరకు పట్టుకున్నట్టు తెలిపారు. పశ్చిమ బెంగాల్ రాష్ట్రానికి చెందిన డ్రైవర్ షేక్ అంజారుల్, జార్ఖండ్ రాష్ట్రానికి చెందిన క్లీనర్ షేక్ రహీం లను అరెస్ట్ చేసి వారి వద్ద ఉన్న ఎండు గంజాయిని స్వాధీనం చేసుకొని గంజాయి తరలింపు కోసం వినియోగించిన అశోక్ లేలాండ్ లారీని సైతం పట్టుకున్నట్లు తెలిపారు. 1985 ఎండీపీఎస్ చట్టం ప్రకారం నిందితులను అరెస్ట్ చేసినట్టు తెలిపారు. ఎండు గంజాయి పట్టుకోవడంలో పోలీసు సిబ్బంది బాలయ్య, చంద్రయ్య, ఎల్లయ్య, రాజు, హరీష్ కృషి చేశారని తెలిపారు.