గంజాయి అమ్ముతున్న నలుగురు అరెస్ట్..

దిశ, తూప్రాన్ : గంజాయి అమ్ముతున్న నలుగురు వ్యక్తులను పట్టుకుని రిమాండ్ కి తరలించినట్టు డీఎస్పీ వెంకట్ రెడ్డి తెలిపారు. అతని కథనం ప్రకారం… తూప్రాన్ పట్టణానికి చెందిన నీలం అజయ్, సామాగారి లోకేష్,మామిండ్ల తరుణ్, అమిత్ అనే నలుగురు వ్యక్తులు తూప్రాన్ లో గల లక్ష్మి నరసింహ వెంచర్ లో ఎండు గంజాయి అమ్ముతున్నారాన్న నమ్మదగిన సమాచారం మేరకు తన సిబ్బంది తో దాడి చేసి నలుగురిని అదుపులోకి తీసుకుని వారి నుంచి 300 గ్రాముల ఎండు గంజాయి స్వాధీనం చేసుకున్నట్లు తెలిపారు.నార్కోటిక్ డ్రాగ్ అండ్ సైకో ట్రోఫెక్ ఆక్ట్ ప్రకారం కేసు నమోదు చేసి జ్యుడీషియల్ రిమాండ్ కి తరలించినట్టు తెలిపారు.ఈ సందర్భంగా డీఎస్పీ వెంకట్ రెడ్డి మాట్లాడుతూ… డ్రగ్స్ గంజాయి వంటి మాదక ద్రవ్యాలు అమ్మిన, కొన్న వారిపై కఠిన చర్యలు తీసుకుంటామని హెచ్చరించారు. మీడియా సమావేశంలో సీఐ రంగా కృష్ణ, ఎస్ఐ శివానందం కానిస్టేబుల్ కృష్ణ పాల్గొన్నారు.