కళాకారుడి ప్రతిభ..రంగులతో నేలపై సీఎం రేవంత్ రెడ్డి చిత్రం

దిశ, మెదక్ ప్రతినిధి : రాష్ట్ర ముఖ్యమంత్రి రేవంత్ రెడ్డి కి ప్రత్యేక తరహాలో జన్మదిన శుభాకాంక్షలు మెదక్ ఎమ్మెల్యే చెప్పారు. మెదక్ జిల్లా కేంద్రంలోని జూనియర్ కళాశాల మైదానంలో సీఎం రేవంత్ రెడ్డి రంగులతో చిత్రాన్ని చిత్రీకరించారు. కుప్పం నియోజకర్గంకు చెందిన పురుషోత్తం అనే చిత్రకారుడు, తమిళనాడుకు చెందిన వారితో కలిసి సుమారు 24 గంటల పాటు శ్రమించి సీఎం చిత్రాన్ని చిత్రీకరించారు. 50 ఫీట్ల వెడల్పు తో చిత్రీకరించిన సీఎం రేవంత్ రెడ్డి కి ప్రత్యేక జన్మ దిన శుభాకాంక్షలు తెలిపారు. కేవలం రంగులతో వేసిన రేవంత్ రెడ్డి చిత్రం ప్రత్యేక ఆకర్షణ గా ఉంది. మాజీ ఎమ్మెల్యే మైనంపల్లి హనుమంతరావు, ఎమ్మెల్యే రోహిత్ లు సీఎం కు ప్రత్యేక జన్మ దిన శుభాకాంక్షలు తెలిపారు.