వన దుర్గమ్మను దర్శించుకున్న అఘోరి..

దిశ, పాపన్నపేట : ప్రసిద్ధ పుణ్యక్షేత్రమైన ఏడుపాయల వనదుర్గామాతను అఘోరి గురువారం దర్శించుకున్నారు. వనదుర్గమ్మకు పూజలు నిర్వహించారు. అనంతరం అర్చకులు, ఆలయ సిబ్బంది ప్రసాదాన్ని అందించారు. వారిని చూసేందుకు భక్తులు, దుకాణ సముదాయాల నిర్వాహకులు ఆసక్తి చూపారు. అనంతరం వారు విలేకరులతో మాట్లాడుతూ లోకకళ్యాణార్థం దేవాలయాలను దర్శించుకుంటున్నానని పేర్కొన్నారు. హిందూ దేవాలయాల పై జరుగుతున్న దాడులను అరికట్టడమే కాకుండా దాడులకు పాల్పడుతున్న వారి పై కఠిన చర్యలు తీసుకోవాలన్నారు. హిందువులందరూ కలిసికట్టుగా ఉండాలని సూచించారు. గో హత్యలను అరికట్టేందుకు ప్రతి హిందువు ముందుకు రావాలని సూచించారు.