హైన దాడిలో 40 గొర్రెలు మృతి..

దిశ, చిన్నకోడూరు : హైన దాడిలో 40 గొర్రెలు మృతి చెంది,10 గొర్రెలు తీవ్ర గాయాల పాలయ్యాయి. ఈ సంఘటన మండల పరిధిలోని మాచాపూరులో గురువారం రాత్రి చోటుచేసుకుంది. బాధితుడు మీసం మల్లయ్య తెలిపిన వివరాల ప్రకారం గొర్రెలను గురువారం రాత్రి తన వ్యవసాయ పొలం వద్ద ఏర్పాటు చేసుకున్న గొర్రెల కొట్టంలో రోజు మాదిరిగానే గొర్రెలను తొలి ఇంటికి వచ్చానని, శుక్రవారం ఉదయం వెళ్లి చూసేసరికి 40 గొర్రెలు చనిపోయి 10 గొర్రెలు తీవ్ర గాయాలపాలై ఉన్నాయన్నారు.

సుమారుగా రూ.4 లక్షల వరకు నష్టం జరిగిందని ,గొర్రెల కాపరి ఆవేదన వ్యక్తం చేశారు. సంఘటన స్థలానికి ఫారెస్ట్ అధికారులు బుచ్చయ్య , శ్రీకాంత్ లు చేరుకొని పరిశీలించి, నివేదికను ఉన్నతాధికారులకు అందిస్తామని తెలిపారు.సంఘటన స్థలానికి మాజీ సర్పంచ్ గాజుల బాబు, ఎంపీటీసీ జమున లు చేరుకొని గొర్రెల కాపరిని పరామర్శించి ఓదార్చారు. గొర్రెల కాపరిని ప్రభుత్వం ఆదుకోవాలని కోరారు.