thunder : పండగ పూట విషాదం పిడుగుపాటుకు 25 మేకల మృతి

దిశ,కల్హేర్ :పిడుగుపాటుకు మేకలు మృతి చెందిన సంఘటన కల్హేర్ మండలం బీబీపేట్ గ్రామంలో చోటు చేసుకుంది. గ్రామానికి చెందిన మొల్ల ఇస్మాయిల్ మేకలు మేపుతూ జీవనోపాధి పొందుతున్నాడు. రోజు మాదిరిగానే మేకలు గ్రామ శివారులోని పోలాల్లో మేపుతుండగా గురువారం సాయంత్రం ఉరుములు మెరుపులతో కూడిన వర్షం కురుస్తూ పిడుగు పడడంతో ఆయనకు చెందిన 25 మేకలు మృత్యువాత పడ్డాయి. మేకల విలువ సుమారు 3 లక్షల పైన ఉంటుందని ఆయన తెలిపారు. ప్రభుత్వం అతనికి ఆర్థిక సహాయన్ని అందజేసి ఆదుకోవాలి గ్రామస్తులు కోరారు.