సర్కార్‌కు మలక్ పేట్ ప్రభుత్వాసుపత్రి ఘటన రిపోర్టు

దిశ, తెలంగాణ బ్యూరో: రాష్ట్ర ప్రభుత్వానికి మలక్​పేట్​ప్రభుత్వ ఆసుపత్రి ఘటన రిపోర్టు చేరింది. అనారోగ్యంతో పాటు ఇన్​ఫెక్షన్​ప్రబలడంతోనే ఇద్దరు బాలింతలు చనిపోయినట్లు కమిటీ తొలి నివేదికను ఇచ్చింది. అయితే మరోసారి ఎంక్వైరీ చేయాలని ప్రభుత్వం భావిస్తున్నది. ఈ మేరకు గాంధీ, నిమ్స్​వైద్యులతో కొత్త కమిటీని వేయనున్నారు. రెండు నివేదికలను క్రోడీకరించి బాధ్యులపై చర్యలు తీసుకోనున్నారు. ఇదే అంశంపై మంత్రి హరీష్​రావు గురు, శుక్రవారాల్లో సమీక్షించే అవకాశం కూడా ఉన్నది. అయితే ప్రతీసారి ప్రభుత్వాసుపత్రులలో ఇలాంటి ఘటనలు రిపీట్​అవుతుండటంతో మంత్రి ఏం నిర్ణయం తీసుకుంటారో? అనేది ఇప్పుడు వైద్యశాఖలో హాట్​టాఫిక్‌గా మారింది.