దొంగతనం కేసును చేదించిన పోలీసులు

దిశ,గద్వాల : జిల్లా కేంద్రంలోని పీజెపి కాలనీ దొంగతనం జరిగింది. వెంకటేశ్వర స్వామి ఆలయంలో మంగళ వారం నిద్రిస్తున్న అయ్యప్ప మాల వేసిన రాఘవేంద్ర స్వామి అనే వ్యక్తి మెడలోని ఒక తులం బంగారు గొలుసును కట్టర్ సాయంతో చోరీ చేశారు. దీంతో బాధితుడు గద్వాల పోలీసులకు ఫిర్యాదు చేశాడు. అయితే పట్టణ ఎస్సై తమ బృందంతో సాంకేతిక సహాయంతో కేసును కేవలం నాలుగు గంటలలో చేదించి.. దొంగతనం చేసిన మణికంఠ అనే వ్యక్తిని అదుపులోకి తీసుకొని బంగారం స్వాధీనం చేసుకున్నామని పట్టణ ఎస్సై కళ్యాణ్ కుమార్ తెలిపారు.