నూతన చైర్ పర్సన్ నేటి పుష్పలతను సన్మానించిన మాజీ మంత్రి

దిశ, జడ్చర్ల : మాజీ మంత్రి హరీష్ రావు, మాజీ మంత్రులు శ్రీనివాస్ గౌడ్, లక్ష్మారెడ్డి బీఆర్ఎస్ నాయకుడు ఆర్ఎస్ ప్రవీణ్ కుమార్ తో కలిసి కురుమూర్తిలో పర్యటించారు.  ఈ సందర్భంగా మార్గం మధ్యలో జడ్చర్ల పట్టణంలో ఓ హోటల్ వద్ద విందు కోసం ఆగారు. ఈ క్రమంలో ఇటీవల జడ్చర్ల మున్సిపాలిటీలో జరిగిన చైర్మన్ ఉప ఎన్నికల్లో చైర్మన్ గా ఎన్నికైన కోనేటి పుష్పలత నరసింహులు మాజీ మంత్రులను మర్యాదపూర్వకంగా కలిసి సన్మానించి స్వాగతం పలికారు. నూతన  చైర్మన్ గా ఎన్నికైన పుష్పలతను మాజీ మంత్రి హరీష్ రావు శాలువా, పుష్పగుచ్చంతో సన్మానించి శుభాకాంక్షలు తెలిపారు. మున్సిపాలిటీ లోని ప్రజల సమస్యలను నిరంతరం తీరుస్తూ పాలకవర్గంలోని మున్సిపల్ కౌన్సిలర్ల సహకారంతో..మున్సిపాలిటీ అభివృద్ధిలో తమదైన ముద్రవేయాలని సూచించారు మాజీ మంత్రులను కలిసిన వారిలో కౌన్సిలర్లు నవనీత, జ్యోతి రెడ్డి, చైతన్య గౌడ్, ఉమాదేవి, సతీష్, దేవా, నందకిషోర్ గౌడ్, కోట్ల ప్రశాంత్ రెడ్డి, మహేష్, ఆలూరి శశికిరణ్, మాజీ జడ్పీ వైస్ చైర్మన్ కొడగల్ యాదయ్య, శ్రీకాంత్, రామ్మోహన్ ఇంతియాజ్, ఆఫీజ్ ఉర్ రెహమాన్, మహమ్ముద్ టిఆర్ఎస్ నాయకులు తదితరులు ఉన్నారు.