‘దిశ’ వార్తకు స్పందన..ధ్వంసమైన కల్వర్టు మరమ్మతులకు చర్యలు

దిశ,నవాబుపేట:మండలంలో శనివారం ఎడతెరిపి లేకుండా కురిసిన ముసురు వర్షానికి మండల పరిధిలోని మల్లారెడ్డి పల్లి గ్రామం దగ్గర కల్వర్టు ధ్వంసం గురించి " దిశ " దినపత్రిక ప్రచురించిన వార్తకు మండల తహసీల్దార్ నామ్య నాయక్ సత్వరమే స్పందించారు. వెంటనే కల్వర్టు ధ్వంసమైన చోట రోడ్డు మరమ్మత్తు చర్యలు చేపట్టి వాహనాల రాకపోకలకు ఎలాంటి ఇబ్బందులు లేకుండా చూడాలని తహసీల్దార్ సంబంధిత అధికారులకు ఆదేశాలు జారీ చేశారు. తహసీల్దార్ ఆదేశానుసారం ఆదివారం పంచాయతీరాజ్ శాఖ ఏఈ ఎంఏ అలీం క్షేత్రస్థాయికి చేరుకొని గ్రామస్తుల సహకారంతో కల్వర్టు మరమ్మత్తు పనులకు శ్రీకారం చుట్టారు. అధికారులు మరమ్మత్తు పనులకు వెంటనే శ్రీకారం చుట్టడం కోసం దిశ పత్రిక చూపిన చొరవకు పరిసర గ్రామాల ప్రజలు" దిశ " దినపత్రిక యాజమాన్యానికి, చర్యలకు ఆదేశించిన తహసీల్దార్ నామ్య నాయక్‌కు అభినందనలు తెలిపారు.