జితేందర్ రెడ్డి చిత్రం ఉచిత ప్రదర్శన..ఎక్కడంటే..?

దిశ, జడ్చర్ల : సురక్షిత సమాజాన్ని నిర్మించడమే లక్ష్యంగా..ధైర్యంగా దేశద్రోహులను ఎదిరించిన అమరవీరుడు జితేందర్ రెడ్డి జీవిత చరిత్ర ఆధారంగా నిర్మించిన జితేందర్ రెడ్డి చిత్రం విడుదల అయ్యింది.  దీంతో 13 -11- 2024 బుధవారం రోజు జడ్చర్ల పట్టణంలోని శ్రీనివాస థియేటర్లో ఉచితంగా చిత్రాన్ని ప్రదర్శిస్తున్నట్లు జడ్చర్ల ఏబీవీపీ పూర్వ కార్యకర్తలు ఒక ప్రకటనలో తెలిపారు. బుధవారం రోజు చిత్రాన్ని తిలకించడానికి జాతీయవాదులు, విద్యార్థి సంఘాల నాయకులు, దేశభక్తులు, ఏబీవీపీ పూర్వ కార్యకర్తలు ప్రముఖులు అత్యధిక సంఖ్యలో హాజరై జితేందర్ రెడ్డి చిత్రాన్ని తిలకించి.. దేశం కొరకు జితేందర్ రెడ్డి చేసిన పోరాటాన్ని త్యాగాన్ని తిలకించాలన్నారు.  జితేందర్ రెడ్డి త్యాగాన్ని ప్రజలకు వివరించాలని చిత్రాన్ని ప్రదర్శిస్తున్నట్లు ఏబీవీపీ పూర్వ విద్యార్థులు కోరారు.