Cyber crime : జిల్లా కలెక్టర్ పేర నకిలీ వాట్సాప్..

దిశ ప్రతినిధి, మహబూబ్ నగర్ : సైబర్ నేరగాళ్ళ మోసాలు రోజురోజుకు మితిమీరి పోతున్నాయి. ఏకంగా మహబూబ్ నగర్ జిల్లా కలెక్టర్ విజయేందిర బోయి పేర ఆమె ఫోటోతో ఫేక్ అకౌంట్ సృష్టించి, సామాజిక మాధ్యమాల్లోకి వదిలారు సైబర్ నేరగాళ్ళు. ఈ సంధర్భంగా జిల్లా కలెక్టర్ విజయేందిర బోయి ఫిర్యాదు మేరకు కేసునమోదు చేసి దర్యాప్తు చేస్తున్నట్లు జిల్లా ఎస్పీ జానకి తెలిపారు.

ఈ సందర్భంగా ఎస్పీ మాట్లాడుతూ జిల్లా కలెక్టర్ విజయేందిర బోయి పేరుతో ఆమె ఫోటోను జత చేసి +94784605962 నెంబర్ తో ఒక నకిలీ వాట్సాప్ అకౌంట్ ను సృష్టించారని ఆమె తెలిపారు. ఈ నకిలీ నెంబర్ తో ఉన్నతాధికారి పేర ఎవరైనా ఫోన్ చేసినా, మెసేజ్ లు పంపినా నమ్మవద్దని, వెంటనే సంబంధిత పోలీస్ స్టేషన్ కు ఫిర్యాదు చేయాలని ఎస్పీ తెలిపారు.