పట్టణ నడిబొడ్డున పొంచి వున్న ప్రమాదం

దిశ ప్రతినిధి,మహబూబ్ నగర్: జిల్లా కేంద్రంలోని రామమందిరం చౌరస్తా మధ్యలో ఉన్న హై మాస్ట్ లైట్ల దిమ్మె ధ్వంసం అయి కూలిపోవడానికి సిద్ధంగా ఉంది. అతి చిన్నగా ఉన్నా ఆ చౌరస్తా మీదుగా నిత్యం వందలాది మంది పాదచారులు,వాహనాలు వెళుతుంటాయి. గత కొన్ని నెలల క్రితం రాత్రి పూట గుర్తు తెలియని వాహనం హై మాస్ట్ లైట్ స్తంభం దిమ్మె కు తగిలి ధ్వంసం  అయింది. అప్పటినుంచి స్తంభం ప్రమాద స్థితిలో ఉన్నా..మున్సిపల్ అధికారులు పట్టించుకోలేదు. ఆ దారి గుండా వెళ్ళే పాదచారులు,వాహనాలు స్తంభం ఎప్పుడేప్పుడు పడిపోతుందోనని భయం భయంగా వెళుతున్నారు. వెంటనే మున్సిపల్ అధికారులు స్పందించి హై మాస్ట్ లైట్ స్తభం దిమ్మెకు మరమ్మతులు చేయాలని స్థానికులు కోరుతున్నారు.