జడ్చర్ల మున్సిపల్ చైర్మన్ కోనేటి పుష్పలత ప్రమాణ స్వీకారం

దిశ, జడ్చర్ల : జడ్చర్ల మున్సిపాలిటీ నూతన చైర్మన్ గా ఇటీవల ఏకగ్రీవంగా ఎన్నికైన కోనేటి పుష్పలత సోమవారం అధికారికంగా మున్సిపల్ చైర్మన్ గా ప్రమాణ స్వీకారం చేసి బాధ్యతలను స్వీకరించారు. మొదటగా కోనేటి పుష్పలతతో మున్సిపల్ కమిషనర్ లక్ష్మారెడ్డి ప్రమాణ స్వీకారం చేయించారు. అనంతరం ఆమె చైర్పర్సన్ చైర్ లో కూర్చుని బాధ్యతలు స్వీకరించారు. ఈ ప్రమాణ స్వీకారానికి మున్సిపాల్టీలోని బీఆర్ఎస్ పార్టీ కౌన్సిలర్లు హాజరై కోనేటి పుష్పలతకు శుభాకాంక్షలు తెలుపుతూ సన్మానాలు చేపట్టారు. ఈ సందర్భంగా జడ్చర్ల మున్సిపల్ చైర్మన్ కోనేటి పుష్పలత మాట్లాడుతూ..జడ్చర్ల మున్సిపాలిటీ నూతన చైర్మన్ గా తనని ఎన్నుకున్న పాలకవర్గంలోని కౌన్సిలర్లకు ప్రత్యేక ధన్యవాదాలు తెలిపారు. జడ్చర్ల మున్సిపాలిటీ అభివృద్ధి తమ అభిమతం అధికారుల సహకారంతో మున్సిపాలిటీ అభివృద్ధికి పాటుపడతానన్నారు.  మున్సిపాలిటీలో ఎలాంటి సమస్యలు ఉన్న సత్వర పరిష్కారానికి చర్యలు చేపడతానని, మున్సిపాలిటీలో ఎక్కడ ఎలాంటి సమస్యలు ఉన్న తోటి కౌన్సిలర్లు ప్రజలు తన దృష్టికి తీసుకువస్తే వాటిపై చర్చించి ఆ సమస్యల పరిష్కారానికి కృషి చేస్తాననన్నారు. తనను జడ్చర్ల మున్సిపల్ చైర్మన్ గా ఎన్నికకు సహకరించిన మాజీ మంత్రి జడ్చర్ల మాజీ ఎమ్మెల్యే లక్ష్మారెడ్డికి రుణపడి ఉంటామనన్నారు. జడ్చర్ల ప్రజల ఆశయానికి అనుగుణంగా ముందుకు వెళ్తామని తెలిపారు. ప్రమాణ స్వీకారం లో మున్సిపల్ వైస్ చైర్మన్ పాలాది సారిక కౌన్సిలర్లు నవనీత చైతన్య శ్రీశైలమ్మ, జ్యోతి రెడ్డి, కోట్ల ప్రశాంత్ రెడ్డి, సతీష్, ఆలూరి శశికిరణ్, నందకిషోర్ గౌడ్ దేవా బిఆర్ఎస్ సీనియర్ నాయకుడు పిట్టల మురళి నరసింహులు నరసింహ యాదవ్ పరమటయ్య తదితరులు పాల్గొన్నారు.