బైక్, బొలెరో ఢీ: ముగ్గురి దుర్మరణం

దిశ, అలంపూర్: బైక్, బొలెరో ఢీకొని ముగ్గురు మృతి చెందిన ఘటన ఉండవల్లి మండలం భైరపురం చౌరస్తా సమీపంలో చోటుచేసుకుంది. వివరాల్లోకి వెళితే.. కొర్విపాడు గ్రామానికి చెందిన సాయి, రఫీ, శేఖర్ రాత్రి 10గంటల సమయంలో మహా శివరాత్రి సందర్భంగా అలంపూర్ లోని బాల బ్రహ్మేశ్వరుడి ఆలయానికి చెరుకొని ఆకాశ జ్యోతి దర్శనం చేసుకున్నారు. అనంతరం వారు అక్కడి నుంచి వారి స్వగ్రామానికి బయలుదేరారు. ఈ క్రమంలో బైక్ ఉండవల్లి మండలం భైరపురం చౌరస్తా సమీపానికి చేరుకొగానే ఎదురుగా వస్తున్న బొలెరో బైక్ ను బలంగా ఢీకొట్టింది. ఈ ప్రమాదంలో బైక్ పై ఉన్న సాయి, రఫీ, శేఖర్ అక్కడికక్కడే మృతి చెందారు. మృతులంతా ఒకే గ్రామానికి చెందిన వారు కావడంతో కొర్విపాడులో విషాదఛాయలు అలముకున్నాయి.