" కా " చలనచిత్రంలో నల్లమల్లకు చెందిన బాల్య నటుడు..

దిశ, అచ్చంపేట : నల్లమల్ల ప్రాంతం నాగర్ కర్నూలు జిల్లా ఉప్పునుంతల మండలంలోని దేవదారికుంట గ్రామానికి చెందిన కాట్రావత్ రవీందర్ కుమారుడు కాట్రావత్ హర్షవర్ధన్ వెండితెరపై " కా " చలనచిత్రంలో చిన్నప్పటి హీరో పాత్రను పోషిస్తున్నాడు. ఈ బాల్య నటుడు తన చిన్న వయసులో మూడు, నాలుగు సినిమాల్లో నటించాడు. నేడు మరోసారి రిలీజ్ అయ్యే (కా) సినిమాలో చిన్నప్పటి హీరోగా పాత్ర పోషించాడు. హర్షవర్ధన్ ను ముందు ముందు ఇంకా ఎన్నో సినిమాల్లో నటిస్తూ ఒక గొప్ప నటుడుగా పేరు పొందాలని దేవదారి కుంట గ్రామ ప్రజలు హర్షం వ్యక్తం చేస్తున్నారు.