దిశ, అమ్రాబాద్ : పిడుగు పడి 20 గొర్లు, మేకలు మృతి చెందాయి. నాగర్ కర్నూల్ జిల్లా అమ్రాబాద్ మండలం కుమ్మరోనిపల్లి గ్రామ వ్యవసాయ పొలాల సమీపంలో గల అటవీ ప్రాంతంలో మెడమోని నారయ్య, బినమోని బాలయ్యకు చెందిన జీవాలను మేపేందుకు తీసుకెళ్లారు.
ఈ సమయంలో ఉరుములు మెరుపులతో భారీ వర్షం తో పాటు పిడుగు పడి పై రైతులకు సంబంధించిన 20 మేకలు, గొర్లు మృతి చెందినట్లు బాధితులు తెలిపారు. ఈ సంఘటనతో ఇద్దరి రైతులకు సుమారు రెండున్నర లక్షల ఆర్థిక నష్టం వాటిల్లిందని, ప్రభుత్వం తమకు ఆర్థిక సాయం చేసి ఆదుకోవాలని బాధితులు విజ్ఞప్తి చేశారు.