"పిచ్చోడి చేతిలో రాయిలా మారిన తెలంగాణ".. కేటీఆర్ సంచలన ట్వీట్

దిశ, వెబ్‌డెస్క్: తెలంగాణ రాష్ట్రం పిచ్చోడి చేతిలో రాయిలా మారిందంటూ.. మాజీ మంత్రి కేటీఆర్(KTR) సంచలన ట్వీట్ చేశారు. గత కొన్ని రోజులుగా ప్రభుత్వం వ్యవహరిస్తున్న తీరును సోషల్ మీడియా వేదికగా ప్రశ్నిస్తున్న కేటీఆర్(KTR).. తాజాగా.. రియల్ ఎస్టేట్ రంగంపై స్పందించారు. ఈ క్రమంలో తన ట్వీట్‌(tweet)లో.." తెలంగాణ పిచ్చోడి చేతిలో రాయిలా మారిందని, తొమ్మిదిన్నర సంవత్సరాలు రియల్ ఎస్టేట్ రంగం రయ్.. రయ్ మని ఉరికిందని, కాంగ్రెస్ అధికారం చేపట్టిన ఏడాదిలోనే రియల్ ఎస్టేట్ రంగం నై.. నై అంటోందని" విమర్శించారు. తెలంగాణ ఆదాయానికి జీవధార రియల్ రంగంపై హైడ్రా(HYDRAA) వేటు వేసిందని.. ముందు చూపు లేని ప్రభుత్వ నిర్ణయాలతో రాష్ట్ర ఆదాయానికి పోటు పడిందని కేటీఆర్ ఈ సందర్భంగా విమర్శలు గుప్పించారు.