క్రీడల్లో రాణించాలంటే ప్రాక్టీస్​ చాలా ముఖ్యం : మంత్రి పొంగులేటి

దిశ, ఖమ్మం రూరల్​: ఖమ్మం రూరల్ మండలం నాయుడుపేట సర్కిల్ లో నూతనంగా ఏర్పాటు చేసిన బీవిఎస్ స్పోర్ట్స్ ఎరినా ను మహబూబాబాద్​ ఎమ్మెల్యే మురళీ నాయక్​తో కలిసి శుక్రవారం మంత్రి పొంగులేటి శ్రీనివాస్ రెడ్డి ప్రారంభించారు. క్రీడాకారులకు సకల వసతులతో ఏర్పాటు చేయడం అభినందనీయమైన విషయం అన్నారు. క్రీడల్లో యువత రాణించాలంటే ప్రాక్టీస్​ అనేది చాలా ముఖ్యమని, అటువంటి ప్రాక్టీస్​కు వేదికైన ఇటువంటి స్పోర్ట్స్​ సెంటర్​లను ఏర్పాటు చేయడం మంచి విషయం అన్నారు. ఈ కార్యక్రమంలో కాంగ్రెస్​ నాయకులు కళ్లెం వెంకటరెడ్డి, ఆజ్మీర ఆశోక్​నాయక్​, బాణోత్​ రామ్మూర్తి, రంజీత్​నాయక్​, బాణోత్​ నారాయణ, క్రిష్ణారెడ్డి, వెంపటి రవి, రామ్ రెడ్డి తదితరులు ఉన్నారు.