పంచాయతీల అభివృద్ధే లక్ష్యం : ఎమ్మెల్యే ఉపేందర్​రెడ్డి

దిశ, ఖమ్మం రూరల్ ​: పంచాయతీల అభివృద్ధే లక్ష్యంగా పనిచేస్తానని పాలేరు శాసనసభ సభ్యుడు కందాల ఉపేందర్​రెడ్డి అన్నారు. ఇటీవల పెద్దతండా అభివృద్ధికి కేటాయించిన రూ.10 కోట్లకు ప్రతిపాదన పనులను ఆదివారం ఆయన పరిశీలించారు. ఈ సందర్భంగా ఆయన మాట్లాడుతూ రూరల్​ మండలంతోపాటు పాలేరు నియోజకవర్గంలోని ప్రతి పంచాయతీకి రూ. 10లక్షల నిధులు విడుదలైనట్లు తెలిపారు. ఏదులాపురం, నేలకొండపల్లి పంచాయతీలకు పదికోట్ల చొప్పున నిధులు విడుదలైనట్లు తెలిపారు. సీఎం కేసీఆర్ హమీ మేరకు నిధులు విడుదలైనట్లు చెప్పారు.

     పెద్దతండా, ఏదులాపురం పంచాయతీల్లో నూతనంగా ఏర్పడిన కాలనీలకు సీసీ రోడ్ల, డ్రైనేజీల నిర్మాణానికి అధికారులు అంచనాలు తయారు చేయాలన్నారు. అభివృద్ధే లక్ష్యంగా పనిచేస్తున్నట్లు తెలిపారు. రాజకీయాలకతీతంగా అభివృద్ధి పనులు చేస్తున్నట్లు తెలిపారు. పని ఏదైనా నేరుగా తనను వచ్చి కలవచ్చునని స్పష్టం చేశారు. ఈ కార్యక్రమంలో రూరల్​ మండల పార్టీ అధ్యక్షుడు బెల్లం వేణుగోపాల్​, ఎంపీపీ బెల్లం ఉమ, జెడ్పీటీసీ యండపల్లి వరప్రసాద్​, సుడా డైరెక్టర్​ గూడ సంజీవరెడ్డి, ఎంపీడీవో ఆశోక్​కుమార్​, ఎంపీవో శ్రీనివాసరావు, పంచాయతీ కార్యదర్శి రామక్రిష్ణ, టీఆర్​ఎస్​ నాయకులు మోహన్​, క్రిష్ణారావు, మానుకోండ శ్రీను, రెడ్యానాయక్​, ఉదయ్​, కాలనీ వాసులు పాల్గొన్నారు.