Khairatabad Ganesh: మహా గణపతిని దర్శించుకున్న హరియాణా గవర్నర్ బండారు దత్తాత్రేయ

దిశ, డైనమిక్ బ్యూరో: ఖైరతాబాద్ గణేష్ ని హరియాణా గవర్నర్ బండారు దత్తాత్రేయ దర్శించుకున్నారు. తెలంగాణలో వినాయక చతుర్ధి నవరాత్రి ఉత్సవాలకు ఖైరతాబాద్ మహాగణపతి ప్రత్యేక ప్రసిద్ది చెందింది. ప్రతీ ఏడాది లాగే ఈ ఏడాది కూడా 70 అడుగుల్లో పెద్ద గణపతి విగ్రహాన్ని ప్రతిష్టంపజేశారు. ఈ నవరాత్రి ఉత్సవాలను శ్రీ గణేష్ ఉత్సవ కమిటీ ఆధ్వర్యంలో ఘనంగా జరుపుతున్నారు. దీంతో ఈ మహా గణపతిని దర్శించుకునేందుకు పెద్దఎత్తున భక్తులు తరలి వస్తున్నారు. ఈ నేపథ్యంలో ఆదివారం హరియాణా గవర్నర్ బండారు దత్తాత్రేయ ఖైరతాబాద్ వినాయకుడిని దర్శించుకునేందుకు వచ్చారు. ఈ సందర్భంగా దత్తాత్రేయ మహా గణపతికి ప్రత్యేక పూజలు చేశారు. అనంతరం పూజారులు గవర్నర్ కు ఆశీర్వచనం అందించారు. మంగళవారం గణేష్ నిమజ్జన కార్యక్రమం ఉండటంతో అతి పెద్ద ఖైరతాబాద్ గణేష్ ను చూడటానికి హైదరాబాద్ చుట్టుపక్కల నుంచి ప్రజలు తరలివస్తున్నారు.