Tomato Price: టమాటో కేజీ @ రూ.100

దిశ, గోదావరి ఖని: మార్కెట్లో కూరగాయల ధరలు ఆకాశాన్నంటుతున్నాయని అనడంలో ఆశ్చర్యం లేదు. ముఖ్యంగా టమాటో కిలో ధర ఏకంగా రూ.100 పలుకుతుండటంతో మార్కెట్‌కు వచ్చిన వినియోగదారులు ఆ ధర చూసి షాక్‌కు గురవుతున్నారు. ప్రతి కూరలో టమాటో లేనిదే కొందరికి ముద్ద దిగదు. అయితే, ధర పెరిగింది కదా అని వినియోగదారులు వాటిని కొనకుండా ఉండలేరు. ఈ నేపథ్యంలో నిత్యం కిలోల చొప్పున టమాటోలు కొనేవారు అర కేజీ, పావు కేజీతో మాత్రమే సరిపెడుతున్నారు. మార్కెట్‌లో టమాటోతో పాటు మిగతా కూరగాయల ధరలు కూడా భారీగా పెరగడంతో సామాన్యులు ఏం చేయాలో తెలియని పరిస్థితి నెలకొంది.