తెలుగు వెలుగు జాతీయ పురస్కారాలు అందుకున్న సిరిసిల్ల కవులు

దిశ, సిరిసిల్ల ప్రతినిధి: తెలంగాణ రాష్ట్రం వరంగల్ పట్టణానికి చెందిన తెలుగు వెలుగు సాహితీ వేదిక పదవ వార్షికోత్సవ వేడుకల్ని డిసెంబర్ 4 న హనుమకొండలోని గ్రేటర్ వరంగల్ ప్రెస్ క్లబ్‌లో ఉదయం నిర్వహించారు. ఈ సందర్భంగా రాజన్న సిరిసిల్ల జిల్లాకు చెందిన కవి రచయిత వెంగల లక్ష్మణ్, ఆడెపు లక్ష్మణ్ నేరోజు రమేశ్, డా. వాసరవేణి పరశురాం గార్లకు సాహిత్య సేవా రంగంలోను దుంపెన రమేశ్ గారికి "పర్యావరణ పరిరక్షణ సాహిత్య సేవా రంగంలోను తెలుగు వెలుగు జాతీయ పురస్కారాలు అందుకున్నారు. తెలుగు వెలుగు సంస్థ నిర్వాహకులు డా. వలబోజు మోహన్ రావు, డా. వంగాల శాంతి కృష్ణ ఆచార్య పోలోజు రాజ్ కుమార్, చేతుల మీదుగా అందజేశారు. ఈ సందర్భంగా జూకంటి జగన్నాథం, ఎలగొండ రవి, పోరండ్ల మురళీధర్, డా. జనపాల శంకరయ్య, శ్రీమతి, ధరణి, ఈడెపు సౌమ్య, అనిత, కట్ల శ్రీనివాస్, బూర దేవానందం, పిట్ల రవి, ముడారి సాయి మహేశ్, బారా ధన్ రాజ్, గుండెల్లి నీలకంఠం, ముడారి సాయి, రవి తదితరులు అభినందించారు.