దయచేసి ఆచూకీ కనిపెట్టండి

దిశ, మేడిపల్లి : బతుకుదెరువు నిమిత్తం మూడు నెలల కిందట సౌదీ వెళ్లి నెల రోజుల నుండి ఎలాంటి ఆచూకీ లేని జగిత్యాల జిల్లా మేడిపల్లి మండలం వల్లంపల్లి గ్రామానికి చెందిన మందుల దేవరాజం అనే వ్యక్తి ఆచూకీ కనుక్కొని స్వదేశానికి క్షేమంగా వచ్చేలా చూడాలని ప్రభుత్వ విప్, వేములవాడ ఎమ్మెల్యే ఆది శ్రీనివాస్ ఎంబసీ అధికారులను కోరాడు.

    కాగా గత నెల రోజులుగా మందుల దేవరాజం తమ కుటుంబ సభ్యులకు ఎలాంటి ఫోను చేయడం లేదని, తెలిసిన వాళ్లు వెళ్లినా ఆచూకీ తెలియలేదని ఆయన కుటుంబ సభ్యులు ప్రభుత్వ విప్, వేములవాడ ఎమ్మెల్యే ఆది శ్రీనివాస్ ను సంప్రదించారు. దాంతో ఆయన తక్షణమే స్పందించి మందుల దేవరాజం ఆచూకీ కనిపెట్టాలని తెలంగాణ రాష్ట్ర ప్రభుత్వం తరపున సౌదీ అరేబియా దేశంలోని ఇండియన్ ఎంబసీకి లేఖ రాసి అధికారులతో మాట్లాడారు. కుటుంబ సభ్యులు ఎలాంటి ఆందోళన చెందవద్దని భరోసా కల్పించారు.