BJP, కాంగ్రెస్ ఈ దేశానికి పట్టిన చీడ పురుగులు: TRS MLA Sunke Ravi Shankar

దిశ, రామడుగు: బీజేపీ, కాంగ్రెస్ పార్టీలు ఈ దేశానికి పట్టిన చీడ పురుగులని చొప్పదండి నియోజకవర్గం ఎమ్మెల్యే సుంకే రవిశంకర్ విమర్శించారు. గంగాధర మండలంలోని మరుదురా నగర్ గ్రామంలో ఏర్పాటు చేసిన విలేకరుల సమావేశంలో ఎమ్మెల్యే మాట్లాడుతూ.. ఆనాడు కాంగ్రెస్ పార్టీ చేసిన పాపానికి.. నేడు నారాయణపూర్ ముంపు బాధితులు శాపాన్ని అనుభవిస్తున్నారని విమర్శించారు. నారాయణపూర్ గ్రామస్తులు ఎవరు ఆందోళన చెందవద్దని.. ముంపు గ్రామాల నిర్వాసితులకు పరిహారం అందజేస్తామని ఈ సందర్భంగా హామీ ఇచ్చారు. నారాయణపూర్ రిజర్వాయర్ కట్ట మరమ్మత్తులకు నిధులు మంజూరయ్యాయని.. పనులు టెండర్ దశలో ఉన్నాయని అన్నారు. అలాగే కరీంనగర్ పార్లమెంటు అభివృద్ధికి బండి సంజయ్ ఒక్క రూపాయి కూడా తీసుకురాలేదని ఆరోపించారు. ఈ కార్యక్రమంలో ఆయా గ్రామాల ప్రజాప్రతినిధులు పాల్గొన్నారు.