కట్టింగులు లేకుండా ధాన్యం కొనుగోలు : చొప్పదండి ఎమ్మెల్యే

దిశ, కొడిమ్యాల : రైతులు కొనుగోలు కేంద్రాలకు తరలించిన ధాన్యాన్ని ఎటువంటి కోతలు లేకుండా కొనుగోలు జరపాలని సెంటర్ నిర్వాహకులకు చొప్పదండి ఎమ్మెల్యే మేడిపల్లి సత్యం సూచించారు. గురువారం రోజున మండలంలోని వివిధ ధాన్యం కొనుగోలు కేంద్రాలను పరిశీలించారు ఈ సందర్భంగా రైతులతో మాట్లాడుతూ మిల్లర్లతో ఎటువంటి ఇబ్బందులు లేకుండా కొనుగోలు చేసేలా చర్యలు తీసుకుంటామని హామీ ఇచ్చారు. కొనుగోళ్ల విషయంలో రైతులు అధైర్య పడొద్దని కాంగ్రెస్ పార్టీ ఎల్లవేళలా రైతు సంక్షేమం కోసం పాటుపడుతుందని తెలిపారు. ఈ కార్యక్రమంలో ఫ్యాక్స్ చైర్మన్ రాజు నర్సింగరావు ,ఏం సి వైస్ చైర్మన్ జీవన్ రెడ్డి, నాయకులు నారాయణ గౌడ్, బత్తిని శ్రీనివాస్,మల్లేశం ,వినోద్ రెడ్డి, మధు జితేందర్, సాయి తదితరులు పాల్గొన్నారు.