Ka Team:కొండగట్టు ఆంజనేయ స్వామిని దర్శించుకున్న 'క' టీమ్

దిశ,వెబ్‌డెస్క్: కిరణ్ అబ్బవరం(Kiran Abbavaram) ‘క’ మూవీ(Ka Movie)తో పెద్ద హిట్ కొట్టాడు. ఈ సినిమా దీపావళి(Diwali) రోజున విడుదలై మొదటి షో నుంచి అన్ని చోట్ల సక్సెస్ ఫుల్‌గా రన్ అవుతుంది. కలెక్షన్స్ లో కూడా దూసుకెళ్తుంది. దీంతో చిత్ర బృందం ప్రస్తుతం విజయోత్సాహంతో ఉంది. ఈ నేపథ్యంలో తాజాగా 'క' టీమ్ నేడు(ఆదివారం) జగిత్యాల జిల్లా మల్యాల మండల కేంద్రంలోని ప్రసిద్ధి పుణ్యక్షేత్రంలో శ్రీ కొండగట్టు ఆంజనేయ స్వామిని తెలుగు సినిమా లేటెస్ట్ సెన్సేషన్ కిరణ్ అబ్బవరం  దర్శించుకున్నారు. ఈ సందర్భంగా ఆయనను ఆలయ అర్చకులు వేద మంత్రోచ్ఛారణలతో ఆశీర్వదించారు. స్వామి వారిని దర్శించుకొని మొక్కులు చెల్లించుకున్నారు. ' ఈ చిత్రానికి సుజీత్-సందీప్ దర్శకత్వం వహించారు. దీపావళి సందర్భంగా అక్టోబరు 31న ప్రేక్షకుల ముందుకు వచ్చిన ఈ చిత్రం తొలి ఆట నుంచే పాజిటివ్ టాక్ సొంతం చేసుకుంది. తొలి రోజు రూ.6 కోట్ల మేర వసూళ్లతో ఔరా అనిపించింది. వీకెండ్ లోనూ ఆశాజనక రీతిలో వసూళ్లను రాబడుతోంది. దీపావళి వేళ దుల్కర్ సల్మాన్ 'లక్కీ భాస్కర్', శివకార్తికేయన్ 'అమరన్' చిత్రాలు కూడా వచ్చినప్పటికీ, వాటి నుంచి పోటీ తట్టుకుని 'క' విజయవంతం కావడం విశేషంగా చెప్పవచ్చు.

Read More..

Kiran Abbavaram: థియేటర్‌లో ‘క’ టికెట్స్ అమ్ముతోన్న కిరణ్ అబ్బవరం.. వీడియో వైరల్