Telangana:ప్రభుత్వ సలహాదారునిగా బాధ్యతలు స్వీకరించిన కే.కేశవరావు
ఇటీవల బీఆర్ఎస్ నుంచి కాంగ్రెస్‌లో చేరిన కే.కేశవరావును తెలంగాణ ప్రభుత్వం ప్రభుత్వ సలహాదారునిగా జులై 6వ తేదీన నియమిస్తూ ఉత్తర్వులు జారీ చేసిన సంగతి తెలిసిందే.
దిశ,వెబ్‌డెస్క్:ఇటీవల బీఆర్ఎస్ నుంచి కాంగ్రెస్‌లో చేరిన కే.కేశవరావును తెలంగాణ ప్రభుత్వం ప్రభుత్వ సలహాదారునిగా జులై 6వ తేదీన నియమిస్తూ ఉత్తర్వులు జారీ చేసిన సంగతి తెలిసిందే. ఈ మేరకు నేడు(శనివారం) సెక్రటేరియట్‌లో తెలంగాణ ప్రభుత్వ సలహాదారునిగా కే.కేశవరావు బాధ్యతలు చేపట్టారు. సచివాలయంలో మంత్రి తుమ్మల నాగేశ్వరరావు ఆయనకు ప్రత్యేక అభినందనలు తెలిపారు. ఈ నేపథ్యంలో పలువురు కాంగ్రెస్ నేతలు కేకేను మర్యాదపూర్వకంగా కలిసి అభినందనలు తెలిపారు. జీహెచ్ఎంసీ మేయర్ గద్వాల విజయలక్ష్మీ, కంటోన్మెంట్ ఎమ్మెల్యే శ్రీ గణేష్ తదితరులు ఈ కార్యక్రమంలో పాల్గొన్నారు.