‘అసాధ్యం అనే పదం నా డిక్షనరీలోనే లేదు’.. MP ఈటల ఇంట్రెస్టింగ్ కామెంట్స్

దిశ, వెబ్‌డెస్క్: మాజీ మంత్రి, మల్కాజిగిరి ఎంపీ ఈటల రాజేందర్ ఇంట్రెస్టింగ్ కామెంట్స్ చేశారు. సోమవారం మల్కాజిగిరి నియోజక పరిధిలో ఏర్పాటు చేసిన ఓ సభలో ఆయన మాట్లాడుతూ.. ఏ సమస్యకు అయిన అసాధ్యం అనే పదం నా డిక్షనరీలోనే లేదని ఆసక్తికర వ్యాఖ్యలు చేశారు. నాకు ప్రజలే వీవీఐపీలని, వాళ్లే తనకు ముఖ్యమని స్పష్టం చేశారు. సమస్య ఎక్కడ ఉంటే అక్కడే నేనుంటానన్నారు. తనపై నమ్మకం ఉంచి ఎంపీగా గెలిపించిన మల్కాజిగిరి ప్రజల కోసం ఐదేళ్లు పని చేస్తానని చెప్పారు. కార్పొరేటర్, ఎమ్మెల్యే, ఎంపీ ఎవరైనా సరే ప్రజల కోసమే పని చేస్తారన్నారు. లోక్ సభ ఎన్నికల్లో మల్కాజిగిరి ప్రజలు పట్టుబడ్డి మరీ తనను గెలిపించుకున్నారని, ఈ విజయం మల్కాజిగిరి ప్రజలకు అంకితమని ఎమోషనల్ కామెంట్స్ చేశారు. కేంద్ర, రాష్ట్ర ప్రభుత్వాల ద్వారా వచ్చే నిధులకు ఓనర్లు ప్రజలే అని ప్రజల సమస్యల పరిష్కారం కోసం కృషి చేస్తానన్నారు.