ముఖ్యమంత్రి సహాయ నిధి నిరుపేదలకు ఎంతో ఉపయోగం.. మధుయాష్కీ గౌడ్

దిశ, ఎల్బీనగర్ : ముఖ్యమంత్రి సహాయనిధి ద్వారా ఎంతో మంది నిరుపేదలు వైద్య సేవలు పొందుతున్నారని తెలంగాణ రాష్ట్ర కాంగ్రెస్ పార్టీ ప్రచార కమిటీ చైర్మన్ మాజీ పార్లమెంట్ సభ్యులు మధుయాష్కీ గౌడ్ వెల్లడించారు. వనస్థలిపురంలోని కాంగ్రెస్ పార్టీ కార్యాలయంలో హయత్ నగర్ కు చెందిన గడ్డం వెంకటేశ్వర్లు, సాహెబ్ నగర్ కు చెందిన తరుణ్ గౌడ్, నందనవనంకు చెందిన బుశ్రా హస్తినాపురం చెందిన పుష్పమ్మలకు సీఎం రిలీఫ్ ఫండ్ ద్వారా మంజుల చెక్కులను పంపిణీ చేశారు. ఈ సందర్భంగా మధుయాష్కి గౌడ్ మాట్లాడుతూ కాంగ్రెస్ ప్రభుత్వం నిరంతరం పేదల అభివృద్ధికి పాటుపడుతుందని ఆయన పేర్కొన్నారు. ఈ కార్యక్రమంలో కాంగ్రెస్ పార్టీ డివిజన్ అధ్యక్షులు మకుటం సదాశివుడు, రవి గౌడ్, నరసింహ యాదవ్, వేణుగోపాల్ యాదవ్, తదితరులు పాల్గొన్నారు.