హైదరాబాద్‌లో సిద్దిపేట ట్రాఫిక్ ఏసీపీ సుమన్ కుమార్ హల్ చల్

దిశ, వెబ్ డెస్క్: హైదరాబాద్‌లో సిద్దిపేట ట్రాఫిక్ ఏసీపీ సుమన్ కుమార్ హల్ చల్ చేశారు. సివిల్ డ్రెస్ ఉన్న ఏసీపీ మధురానగర్‌లో వెళ్తుండగా ట్రాఫిక్ పోలీసులు డ్రంగ్ అండ్ డ్రైవ్ తనిఖీలు నిర్వహించారు. దీంతో సుమన్ కుమార్ ఆగ్రహం వ్యక్తం చేశారు. తాను సిద్దిపేట ట్రాఫిక్ ఏసీపీని అని, తనిఖీలపై మండిపడ్డారు. బ్రీత్ ఎనలైజర్ టెస్ట్‌కు సహకరించకుండా గొడవకు దిగారు. పోలీసుల పట్ల దురుసుగా ప్రవర్తించారు. దీంతో లా అండ్ ఆర్డర్ పోలీసులకు సమాచారం అందించారు. ఈ మేరకు ఏసీపీ సుమన్ కుమార్‌ను పోలీసులు అదుపులోకి తీసుకున్నారు. మద్యం మత్తులో ఉన్నట్లు గుర్తించారు. సదరు ఏసీపీపై చర్యలు తీసుకునేందుకు పోలీస్ శాఖ సిద్ధమవుతున్నట్లు తెలుస్తోంది.