SP Sivakumar : మీ సమస్యలను సమాజానికి తెలపండి

దిశ, ఖైరతాబాద్ : మీ ప్రాంతంలోని సమస్యలను, అవినీతిని సమాజానికి చూపించే ప్రయత్నం యూత్ ఫర్ యాంటీ కరప్షన్ సంస్థ ముందడుగు యాప్ ద్వారా చేయబోతుందని చంచల్ గూడ జైలు ఎస్పీ శివకుమార్ గౌడ్ అన్నారు. శనివారం ముందడుగు యాప్ ను ఆయన ఆవిష్కరించారు. యూత్ ఫర్ యాంటీ కరప్షన్ ఆధ్వర్యంలో సమాజంలో జరుగుతున్న అవినీతి, ప్రజల సమస్యలు, నిజాయితీ వ్యక్తులకు సంబంధించిన సమాచారాన్ని తెలియజేసేందుకు ముందడుగు అనే యాప్ ను ప్రారంభిస్తున్నట్లు ఆయన తెలిపారు. ముఖ్యంగా యువత ఇలాంటి వాటిపై దృష్టి సారించి, తమ సమస్యలపై స్పందిస్తూ సద్వినియోగం చేసుకోవాలన్నారు. ఈ ప్రారంభోత్సవ కార్యక్రమంలో యూత్ ఫర్ యాంటీ కరప్షన్ పౌండర్ రాజేంద్ర పల్నాటి, ముందడుగు బృందం కొన్నె దేవేందర్, చెరుకూరి జంగయ్య, కొమటి రమేశ్ బాబు, వరికుప్పల గంగాధర్, గీతానంద్ తదితరులు పాల్గొన్నారు.