‘ఐ యామ్ సాఫ్ట్‌వేర్’ .. ఓ ఆటో డ్రైవర్ లైన్‌కు అందరూ ఫిదా..

దిశ, సిటీ క్రైమ్ : ఆ యువకుడో ఆటో డ్రైవర్.... కానీ ఆ వృత్తిని గర్వంగా చెప్పుకుంటున్నాడు. నా కష్టం నా వృత్తి నాకు సంతృప్తిని ఇస్తుందని చాటుకుంటున్నాడు. ఈ వృత్తిలో తన ఆదాయం ఓ సాఫ్ట్‌వేర్ ఉద్యోగి కి వచ్చే జీతం తో సమానం అంటూ హుందాగా అందరికి తెలిసేలా ఏకంగా తన ఆటో పై రాసుకుని తన సత్తా చాటుకుంటున్నాడు. నా రోజు ఆదాయం రూ. 3 వేలు... నెలకు రూ.90 వేలు.. ఐ యామ్ సాఫ్ట్‌వేర్ అంటూ తన ఆటో పై పెట్టుకున్నాడు. ఈ ఆటో ప్రస్తుతం మాదాపూర్, గచ్చిబౌలి, రాయదుర్గం, కొకపేట తదితర ఐటీ కారిడార్ లో తిరుగుతుండడంతో అందరూ ఈ ఆటో డ్రైవర్ టాగ్ లైన్ ను ఆసక్తిగా చూస్తు ఫోటో లు తీసుకుని సోషల్ మీడియాలో పోస్ట్ చేస్తున్నారు. సాఫ్ట్‌వేర్ లో నే భారీ జీతాలు కాదు... ఆటో డ్రైవింగ్ వృత్తిలో కూడా అందుకు సమానం జీతం ఉందనే సందేశాన్నిఇచ్చే ఈ యువకుడి ఆటిట్యూడ్ కి చాలామంది ఫిదా అవుతున్నారు.