ఎగ్జిబిషన్ ​ స్టాల్స్​ సామాగ్రి గోదాంలో అగ్నిప్రమాదం...

దిశ, చార్మినార్: షాట్​ సర్క్యూట్​తో ఓ గోదాంలో అగ్ని ప్రమాదం సంభవించిన ఘటన డబిర్ పురా పోలీస్​స్టేషన్​ పరిధిలో ఆదివారం జరిగింది. డబిర్​పురా ఇన్​స్పెక్టర్​ కోటేశ్వర్​రావు తెలిపిన వివరాల ప్రకారం.. ఫర్హత్​నగర్​కు చెందిన అసద్​ ఆలీకి ఎగ్జిబిషన్​ స్టాల్స్​ సామాగ్రి అద్దెకు ఇస్తుంటాడు. ఆ సామాగ్రికి సంబంధించిన గోదాం రాజనర్సింహాకాలనీలో ఉంది. సాయంత్రం ఉన్నట్టుండి గోదాం నుంచి ఒక్కసారిగా దట్టమైన పొగతో మంటలు ఎగిసిపడ్డాయి. గమనించిన స్థానికులు డబిర్​ పురా పోలీసులకు, అగ్నిమాపక సిబ్బందికి సమాచారం ఇచ్చారు.

రెండు ఫైర్​ ఇంజన్ల ద్వారా సాయంతో మంటలను అదుపులోకి తీసుకొచ్చారు. ఎలాంటి ప్రాణ నష్టం సంభవించలేదని పోలీసులు తెలిపారు. గోదాం యాజమాని అసద్​ఆలీ ఇచ్చిన ఫిర్యాదు మేరకు డబిర్​పురా పోలీసులు కేసును నమోదు చేసుకుని దర్యాప్తు చేస్తున్నారు.