2.276 కేజీల గంజాయి పట్టివేత..

దిశ, కార్వాన్ : ఎస్ టి ఎఫ్, డి టి ఎఫ్ ఎక్సైజ్‌ పోలీసులు ముమ్మర దాడులు చేపట్టి 2.276 కేజీల గంజాయిని స్వాధీనం చేసుకున్నారు. మంగళవారం దూల్‌పేట్‌లోని జుమ్మెరాత్‌ బజార్‌లోని ముఖేష్‌ సింగ్‌ ఇంట్లో గంజాయి అమ్మకాలు జరుగుతున్నాయనే సమాచారం మేరకు ఎక్సైజ్‌ ఎస్ టి ఎఫ్ పోలీసులు దాడులు నిర్వహించి 2.276 కేజీల గంజాయిని పట్టుకున్నారు. గంజాయి అమ్మకాలు సాగిస్తున్న సతీష్‌ దినేష్‌ సింగ్‌, అరుణ్‌ బాయిలను అరెస్టు చేసి వీరి వద్ద నుంచి గంజాయితోపాటు ఒక సెల్‌ ఫోన్, ఒక యాక్టివా వాహనం స్వాధీనం చేసుకున్నారు. అనంతరం గంజాయి అమ్మకాలు జరుపుతున్న ఇంటి యజమాని ముఖేష్‌ సింగ్‌పై కేసు నమోదు చేశారు.