HYD : భార్యను కిరాతకంగా చంపిన భర్త.. కారణమిదే..!
హైదరాబాద్ మీర్ పేట్ పోలీసు స్టేషన్ పరిధిలో హస్తినాపురంలో తీవ్ర విషాదం చోటు చేసుకుంది.
దిశ, వెబ్‌డెస్క్: హైదరాబాద్ మీర్‌పేట్ పోలీసు స్టేషన్ పరిధిలో హస్తినాపురంలో తీవ్ర విషాదం చోటు చేసుకుంది. భార్యను భర్త తలపై ఇనుపరాడ్డుతో కొట్టి కిరాతకంగా హత్య చేశాడు. అయితే భార్య అక్రమ సంబంధం పెట్టుకుందనే అనుమానంతో ఈ హత్య చేసినట్లు తెలుస్తోంది. నాగర్ కర్నూల్ జిల్లాకు చెందిన రాజు అగ్రికల్చర్ కాలనీలోని ఉషోదయ అపార్ట్‌మెంట్‌లో నివాసం ఉంటున్నాడు. సమీపంలోని ఓ పెట్రోల్ బంక్‌లో సూపర్‌వైజర్‌గా విధులు నిర్వహిస్తున్నాడు. భార్యపై అనుమానం పెంచుకుని హత్య చేసిన అనంతరం పీఎస్‌కు నేరుగా వెళ్లి లొంగిపోయాడు. ఈ ఘటనకు సంబంధించి పూర్తి వివరాలు తెలియాల్సి ఉంది.