Hanuman Statue : హనుమాన్ విగ్రహం దగ్ధం

దిశ, వెబ్ డెస్క్ : జయశంకర్ భూపాలపల్లి జిల్లా(Jayashankar Bhupalpally District) అంబటిపల్లి అమరేశ్వర ఆలయంలోని హనుమాన్ విగ్రహం(Hanuman Statue burnt) దగ్ధమైన ఘటన కలకలం రేపింది. హనుమాన్ విగ్రహం వద్ద ఒక్కసారిగా మంటలు చెలరేగి విగ్రహం ధ్వంసమైంది. ఎవరైనా ఉద్దేశపూర్వకంగా చేశారా...? లేక ప్రమాదవశాత్తు జరిగిందా అనే కోణంలో పోలీసుల దర్యాప్తు చేస్తున్నారు. విగ్రహం దగ్ధం అవడం ఊరికి అరిష్టమంటు గ్రామస్తులు ఆందోళన చెందుతున్నారు.

ఇటీవల రాష్ట్రంలో పలు చోట్ల హిందూ దేవాలయాలపై వరుసగా దాడులు జరుగుతున్న నేపథ్యంలో అమరేశ్వర ఆలయంలోని హనుమాన్ విగ్రహం దగ్థం ఘటన కూడా దుండగుల పనేనా అన్న అనుమానాలను గ్రామస్తులు వ్యక్తం చేస్తున్నారు. ఈ ఘటనలో నిజనిజాలు తేల్చాలని  హనుమాన్ భక్తులు డిమాండ్ చేస్తున్నారు.