BREAKING: బాణాసంచా తయారీ కేంద్రంలో అగ్నిప్రమాదం..!

దిశ, వెబ్‌డెస్క్: నల్గొండ జిల్లా చిట్యాల మండలంలో భారీ అగ్ని ప్రమాదం చోటుచేసుకుంది. శనివారం ఉదయం బానాసంచా తయారీ కేంద్రంలో భారీ పేలుడు సంభవించింది. ఈ ఘటనలో ఇద్దరికి తీవ్ర గాయాలయ్యాయి. వారితో పాటు ఒక మహిలకు కూడా గాయాలు అయ్యాయి. ఆమె పరిస్థితి విషమంగా ఉన్నట్లు సమాచారం. ఆమెను స్థానిక ఆసుపత్రికి తరలించి చికిత్స అందిస్తున్నారు. ఓ ఇంట్లో బాణసంచా తయారు తయారు చేస్తుండగా ఈ ఘటన జరిగింది. గత కొంతకాలంగా కొందరు ముఠాగా ఏర్పడి అనుమతి లేకుండా ఇళ్ళ మధ్యలో పేలుడు పదార్దాలు తయారు చేస్తున్నట్లు పోలీసులు గుర్తించారు. స్థానికులు ఇచ్చిన సమాచారం మేరకు ఘటనా స్థలానికి చేరుకుని దర్యాప్తు చేపడుతున్నారు. పూర్తి వివరాలు తెలియాల్సి ఉంది.