చిరంజీవి ఏర్పాటు చేసిన విందులో మెరిసిన సినీ, రాజకీయ ప్రముఖులు

దిశ, డైనమిక్ బ్యూరో: పద్మభూషణ్ అవార్డు ప్రకటన సందర్భంగా ప్రముఖ నటుడు చిరంజీవి ఏర్పాటు చేసిన విందుకు సీఎం రేవంత్ రెడ్డి హాజరయ్యారు. ఈ సందర్భంగా చిరంజీవికి, సీఎం రేవంత్ రెడ్డి పుష్పగుచ్ఛం ఇచ్చి సత్కరించారు. చిరంజీవికి అవార్డు రావడం మనందరికీ గర్వకారణమని, ఆయనకు మనస్పూర్తిగా అభినందనలు తెలియజేశారు. అంతే గాక అక్కడే ఉన్న సినీ హీరో రామ్ చరణ్ ని ఆప్యాయంగా పలకరించారు. వీరిద్దరూ కాసేపు సరదాగా మాట్లడుకున్నారు. అలాగే మంత్రి కోమటిరెడ్డి చిరంజీవికి కంగ్రాట్స్ చెబుతూ విష్ చేశారు. ఇంకా ఈ ప్రోగ్రామ్ కి డిప్యూటీ సీఎం భట్టి విక్రమార్క సహా మంత్రులు కోమటిరెడ్డి, ఉత్తమ్ కుమార్ రెడ్డి, శ్రీధర్ బాబు, కేంద్రమంత్రి కిషన్ రెడ్డి, మాజీ మంత్రి డీకే అరుణ, కల్వకుంట్ల కవిత, సినీ నిర్మాత సుబ్బరామిరెడ్డి, దిల్ రాజు సహా పలువురు సినీ, రాజకీయ ప్రముఖులు పాల్గొని, చిరంజీవికి శుభాకాంక్షలు తెలిపారు.