Social-Media-లో బ్లాక్ టిక్కెట్ల దందా!!

దిశ, డైనమిక్ బ్యూరో : నగరంలో జరగనున్న ఇండియా వర్సెస్ న్యూజిలాండ్ మొదటి వన్డే మ్యాచ్ టిక్కెట్లకు డిమాండ్ పెరిగింది. తాజాగా సోషల్ మీడియాలో బ్లాక్ టిక్కెట్ల అమ్మకాలపై ప్రకటనలు వెలుగులోకి వచ్చాయి. రేపు ఉప్పల్ రాజీవ్ గాంధీ ఇంటర్నెషనల్ స్టేడియంలో మ్యాచ్ జరగనున్న సంగతి తెలిసిందే. ఈ క్రమంలో స్టేడియంలోని వెస్ట్ పెవిలియన్ ఫస్ట్ ఫ్లోర్‌కు చెందిన 20 టికెట్లు ఒక్కోటి రూ.3,000 అని.. కావాలంటే ఫలానా నంబర్లు సంప్రదించాలంటూ కొందరు కేటుగాళ్లు ట్విట్టర్లో పోస్ట్ చేస్తున్నారు. రూ.1,500 టికెట్‌ను రెట్టింపు ధరకు బహిరంగంగా బ్లాక్ మార్కెట్‌లో అమ్ముతున్నారు. ఈ నేపథ్యంలో బ్లాక్ మార్కెట్ దందాపై రాచకొండ ఎస్వోటీ పోలీసులు నిఘా పెట్టారు. కాగా, ఈనెల 13న 6,000, 14న 7,000, 15న 7,000, 16న 9,417 టికెట్లను పేటీఎం ద్వారా హెచ్‌సీఏ అమ్మకాలు జరిపింది.

Also Read...

తెలంగాణలో మరో బై ఎలక్షన్.. వేడెక్కుతున్న రాజకీయం!