టీ-కాంగ్రెస్‌లో కలకలం.. ఢిల్లీకి ఎంపీ కోమటిరెడ్డి

దిశ, వెబ్‌డెస్క్: టీపీసీసీ స్టార్ క్యాంపెయిన్, భువనగిరి కాంగ్రెస్ ఎంపీ కోమటిరెడ్డి వెంకట్ రెడ్డి ఢిల్లీకి వెళ్లారు. మధ్యాహ్నం రెండు గంటలకు ఏఐసీసీ కీలక నేత ప్రియాంకా గాంధీతో భేటీ కానున్నారు. పీసీసీ చీఫ్ రేవంత్ రెడ్డితో కొనసాగుతోన్న వివాదం నేపథ్యంలో ఈ భేటీకి ప్రాధాన్యత ఏర్పడింది. మునుగోడు ఉప ఎన్నికలో స్థానిక ఎంపీ కోమటిరెడ్డి వెంకట్ రెడ్డి అభిప్రాయం కూడా తీసుకోవాలని రాష్ట్ర నాయకత్వానికి ఇటీవల ప్రియాంకా గాంధీ సూచించిన విషయం తెలిసిందే. కాగా, ఈ భేటీలో ఎంపీ రేవంత్ రెడ్డితో పాటు రాష్ట్ర కాంగ్రెస్ నేతలంతా కోమటిరెడ్డిని దూషించిన విషయం, వారిని సస్పెండ్ చేయడంలో రాష్ట్ర నాయకత్వం చేస్తోన్న జాప్యం, ఆయనకు జరుగుతోన్న అవమానంపై కీలకంగా చర్చించే అవకాశం ఉన్నట్లు తెలుస్తోంది.