BREAKING: మరి కాసేపట్లో కాంగ్రెస్ కీలక భేటీ.. రాష్ట్రవ్యాప్తంగా తీవ్ర ఉత్కంఠ

దిశ, వెబ్‌డెస్క్: తెలంగాణ అసెంబ్లీ ఎన్నికల్లో ఘన విజయం సాధించిన కాంగ్రెస్ పార్టీ ప్రభుత్వ ఏర్పాటుకు రెడీ అవుతోంది. ఈ క్రమంలో గెలిచిన ఎమ్మెల్యేలతో ఇవాళ గచ్చిబౌలిలోని హోటల్ ఎల్లాలో కీలక సమావేశానికి పిలుపునిచ్చింది. ఈ సమావేశంలో ఎమ్మెల్యేలు తమ పార్టీ సీఎల్పీ నేతను ఎన్నుకోనున్నారు. కాసేపట్లో సీఎల్పీ భేటీ ప్రారంభం కానుండటంతో గెలిచిన కాంగ్రెస్ ఎమ్మెల్యేలు హోటల్ ఎల్లాకు చేరుకుంటున్నారు. ఈ భేటీలో పార్టీ పరిశీలకులు ఎమ్మెల్యేల అభిప్రాయాన్ని తీసుకుని ఏకవాక్య తీర్మానం చేసే అవకాశం ఉంది. తెలంగాణ నెక్ట్స్ సీఎం ఎవరనేది ఈ భేటీతో తెలిపోనుండటంతో.. సీఎల్పీ మీటింగ్‌పై రాష్ట్ర వ్యాప్తంగా తీవ్ర ఉత్కంఠ నెలకొంది.