CM Revanth Reddy:నేడు, రేపు మహారాష్ట్రలో సీఎం రేవంత్ ప్రచారం

దిశ, వెబ్‌డెస్క్: తెలంగాణ ముఖ్యమంత్రి రేవంత్ రెడ్డి(CM Revanth Reddy) ఈరోజు(శనివారం) మహారాష్ట్రకు వెళ్లనున్నారు. ఈ క్రమంలో సీఎం రేవంత్ నేడు, రేపు మహారాష్ట్ర(Maharashtra) ఎన్నికల ప్రచారంలో పాల్గొననున్నారు. ఈ మేరకు ఆయన ఈ రోజు ఉదయం 10 గంటలకు హైదరాబాద్(Hyderabad) నుంచి బయలుదేరతారు. ఈ క్రమంలో సీఎం రేవంత్ రెడ్డి చంద్రాపుర్‌లో మొదలుపెట్టి రాజురా, డిగ్రాస్, వార్ధా అసెంబ్లీ నియోజకవర్గాల్లో కాంగ్రెస్ తరఫున ప్రచారం చేస్తారు. అనంతరం అక్కడే బస చేస్తారు. ఈ నేపథ్యంలో రేపు(ఆదివారం) ఉదయం నాగ్‌పూర్ నుంచి నాందేడ్ చేరుకుంటారు. ఆదివారం నయాగావ్, భోకర్, షోలాపుర్‌ల్లో ప్రచార సభలు, రోడ్ షోల్లో పాల్గొంటారు. ప్రచారం అనంతరం సీఎం రేవంత్ రెడ్డి అక్కడి నుంచి మళ్లీ హైదరాబాద్‌కు తిరిగి రానున్నట్లు సమాచారం.