సీఎం కేసీఆర్ వరంగల్ పర్యటన షెడ్యూల్ ఫిక్స్

దిశ, తెలంగాణ బ్యూరో: ఈనెల 12న సీఎం కేసీఆర్ హన్మకొండ జిల్లా పర్యటన ఖరారైంది. ఉమ్మడి వరంగల్ జిల్లా కలెక్టర్లు, ఎమ్మెల్యేలతో సమావేశం నిర్వహించనున్నారు. సమావేశంలో జిల్లాలో అభివృద్ధి, సంక్షేమ పథకాలపై సమీక్షించనున్నారు. అంతేగాకుండా నియోజకవర్గాల వారీగా పెండింగ్ పనులపై సమీక్షిస్తారని సమాచారం. అనంతరం మడికొండలో రాష్ట్ర రైతు విమోచన కార్పొరేషన్ ఛైర్మెన్ నాగుర్ల వెంకటేశ్వర్లు కుమారుడి వివాహానికి హాజరవుతారని సమాచారం. అనంతరం రోడ్డు మార్గాన హైదరాబాద్‌కు చేరుకుంటారని తెలిసింది. అదే విధంగా త్వరలోనే పాలమూరు జిల్లాలో కేసీఆర్ పర్యటించనున్నట్లు విశ్వసనీయ సమాచారం. పాలమూరురంగారెడ్డి ప్రాజెక్టు పనుల పరిశీలనతో పాటు ఆ జిల్లాలో నిర్వహించే సభలో పాల్గొంటారని సమాచారం. ప్రాజెక్టు పనుల స్పీడ్ పెంచాలని, ఇది రాబోయే ఎన్నికల్లో ప్రచార అస్త్రంగా వినియోగించుకోవాలని భావిస్తున్నట్లు తెలిసింది.