తెలంగాణ ఎన్నికలపై సీఈసీ ఫోకస్.. రాష్ట్రానికి స్పెషల్ టీమ్

దిశ, వెబ్‌డెస్క్: తెలంగాణ ఎన్నికల ఏర్పాట్లపై ఈసీ స్పీడ్ పెంచింది. పోలింగ్‌కు కొద్ది రోజులు మాత్రమే సమయం ఉండటంతో ఏర్పాట్లను ముమ్మరం చేసింది. ఎన్నికల ఏర్పాట్లను కేంద్ర ఎన్నికల సంఘం ఎప్పటికప్పుడు పర్యవేక్షిస్తోంది. రాష్ట్ర అధికారుల నుంచి ఎప్పటికప్పుడు సమాచారం తీసుకుంటుంది. ఈ క్రమంలో స్వయంగా ఏర్పాట్లను పరిశీలించేందుకు బుధవారం తెలంగాణ పర్యటనకు సీఈసీ బృందం రానుంది.

సీనియర్ డిప్యూటీ ఎన్నికల కమిషనర్లు సతీశ్ వ్యాస్, ధర్మేంద్ర శర్మతో కూడిన టీమ్ నేడు హైదరాబాద్‌కు చేరుకోనుంది. రెండు రోజుల పాటు హైదరాబాద్‌లో పర్యటించనుండగా.. రాష్ట్ర ప్రధాన ఎన్నికల అధికారి, ఇతర అధికారులతో కీలక సమావేశాలు నిర్వహించనున్నారు. ఎన్నికల ఏర్పాట్లు, తీసుకోవాల్సిన జాగ్రత్తలకు రాష్ట్ర అధికారులకు పలు సూచనలు చేయనున్నారు.