BREAKING : సోనియా తెలంగాణ పర్యటన రద్దు

దిశ, వెబ్‌డెస్క్: రాష్ట్ర అవతరణ దశాబ్ది ఉత్సవాల ముగింపు వేడుకలకు సోనియాగాంధీ హాజరు కావడం లేదని గాంధీభవన్ వర్గాలు స్పష్టత ఇచ్చాయి. అనారోగ్యం, ఎండల కారణంగా వైద్యులు చేసిన సూచన మేరకు ఆమె తన షెడ్యూలు విజిట్‌ను రద్దు చేసుకున్నారు. తెలంగాణ ప్రజలకు వీడియో సందేశాన్ని వినిపించనున్నారు. ఆ మెసేజ్‌ను పరేడ్ గ్రౌండ్స్ వేదిక మీద భారీ ఎల్ఈడీ స్క్రీన్ ద్వారా ముఖ్యమంత్రి రేవంత్‌రెడ్డి ప్రజలకు వివరించనున్నారు.

తెలంగాణ రాష్ట్రం ఏర్పడి పదేండ్లు పూర్తిచేసుకున్న సందర్భంగా ప్రజలకు ఆమె తన శుభాకాంక్షలను తెలియజేయనున్నట్లు ఆ వర్గాలు పేర్కొన్నాయి. ఉత్సవాలకు రావాల్సిందిగా ముఖ్యమంత్రి రేవంత్‌రెడ్డి నాలుగు రోజుల క్రితం ఢిల్లీ వెళ్ళి ప్రత్యేకంగా సోనియాగాంధీకి వివరించి ఆహ్వానించారు. ఆమె కూడా సానుకూలంగా స్పందించి వస్తాననే హామీ ఇచ్చారు. కానీ చివరి నిమిషాల్లో ఆమె అనారోగ్యం దృష్ట్యా వైద్యుల సూచన మేరకు పర్యటనను రద్దు చేసుకున్నారు.